.png)
“腰痛” 😢既係一種臨床既症狀，同時又可以算係一種疾病。“腰痛”既成因有千萬種，而同其相關既疾病亦多不勝數，當出現腰痛症狀既時候，到底點知自己係咩問題？今日就讓姚醫師講解下其中1種臨床比較常見會導致“腰痛”既疾病---腰肌勞損。
腰肌勞損係腰部既肌肉、筋膜、韌帶等軟組織反復受炎症刺激而導致既慢性腰部疾病。導致局部炎症既原因有好多，包括勞累、外傷、天氣環境等。當身體勞逸得當，狀態良好既時候，能夠自行消除呢啲炎症，反之，呢啲炎症會係相關部位慢慢累積，久而久之便造成疾病。
腰肌勞損既患者，腰痛既症狀時輕時重，反反復復。通常會受勞累、天氣變化🌧等因素影響而加重，休息後則減輕。而腰痛既症狀大多以酸痛、脹痛為主，疼痛既程度多數都唔會好劇烈。患者無法堅持彎腰動作，喜歡捶打、伸展腰部來舒緩症狀。患者亦有可能急性發作，發作既時候各種症狀都會加重，會同急性腰扭傷既症狀非常類似，所以有時會容易混淆。因此，向病人詢問相關病史就顯得相當重要了。此外，醫師為病人作檢查既時候，多數會發現病人腰部有廣泛而唔明顯既壓痛，有時甚至會覺得痛得來舒服；大面積肌肉緊繃僵硬，活動度較差等等。
由於腰肌勞損既病人有一定既患病時間，好多時會伴有唔同程度既腰椎退化情況。因此，醫師會因應患者患病時間長短以及症狀多少、嚴重程度等因素來考慮是否有需要做相關既影像學檢查（通常都係Xray或MRI）。而腰肌勞損既病人，係影像檢查上🔍亦都容易見有腰椎既生理弧度變直既情況。另外仲會見到唔同程度既骨贅、椎間隙變窄等退行性變化。
係治療方面，除左針灸、推拿、拔罐等常規治療外，由於體質、環境、氣候等因素會對本病造成明顯既影響，因此多數會結合中藥治療，內外兼治來達到更好既療效。相比起急性腰扭傷，腰肌勞損需要既治療療程會比較長同緩慢，需要有耐心同堅持方可治癒。