.png)
“腰痛” 😢既係一種臨床既症狀，同時又可以算係一種疾病。“腰痛”既成因有千萬種，而同其相關既疾病亦多不勝數，當出現腰痛症狀既時候，到底點知自己係咩問題？今日就讓姚醫師講解下其中1種臨床比較常見會導致“腰痛”既疾病---急性腰扭傷。
急性腰扭傷，顧名思義就係急性發作既腰部損傷性疾患，通常會有明顯/不明顯既外傷史，或搬抬重物，或攀爬扭轉等動作既時候，腰部肌肉、筋膜、韌帶等軟組織因過度用力牽拉而引起既損傷。呢種損傷一般都出現係相關既軟組織，例如：肌肉、筋膜、韌帶、關節囊等，而較少影響骨骼🦴。因此，臨床上預後良好，恢復起來會比其他腰部疾病迅速。不過需要注意既係，急性腰扭傷若果處理不當或延誤治療，係好有可能會演變成“腰肌勞損”的。
急性腰扭傷既患者，大多會係受傷當下出現持續性既腰痛，當重複導致受傷既姿勢時亦會即刻誘發疼痛。而病患通常會係第2、3日因局部出血、腫脹令腰痛症狀加重。有部分病人因為損傷較輕，係受傷當下未必有明顯疼痛，反而休息後第2、3日腰痛症狀逐漸加重。
急性腰扭傷既患者，一般表現為腰部既活動受限，某些動作、咳或打噴嚏會誘發或加重疼痛。為左減輕疼痛，病人企既時候多數會用手扶撐腰部，坐低同起身既時候會雙手撐住張櫈諸如此類。醫師為病人檢查既時候，往往會發現病人腰痛既位置局部肌肉緊繃，甚至腫脹。按壓或者牽拉相關肌肉既時候會有明顯既疼痛。
絕大部分情況下，急性腰扭傷既患者都毋須做影像學檢查（Xray、MRI等）。因為本病係影像檢查上並無特別意義，至多可以睇到腰椎既生理弧度變直，而腰椎既生理弧度變直並不具特異性，所以唔會多此一舉。
係治療方面，各種中醫治療方法都可以有效地改善本病腰痛既症狀，較為常用既治療係針灸、推拿、拔罐等。而係治療後，患者多數可以即時感覺到症狀緩解同改善。