受傷後應該熱敷🔥定係凍敷🧊？

受傷後應該熱敷定係凍敷？病人經常都會問我呢個問題。通常我都會答:「要視乎情況同目的。」要解答清楚明白呢個問題，我地首先應該了解一下熱敷同凍敷分別對人體💪有咩作用。

熱敷🔥

熱敷能夠使局部體表溫度升高，皮下組織舒展；使微血管擴張，鬆弛痙攣既微血管，令血液循環增快，提高細胞既血氧血供，促進新陳代謝。因此提高了局部的炎症吸收能力，起到消炎消腫的作用，減輕局部神經所受到的炎症因子刺激和局部水腫壓迫，從而達到減輕疼痛的功效，與此同時也為局部組織的恢復創造了有利的條件，縮短了局部損傷恢復所需的時間。

凍敷🧊

凍敷能降低局部體表溫度，使微血管收縮，減緩血液流動，從而能減輕出血症狀，減少組織液滲出，抑制局部腫脹進一步發展。

同時，冷敷能抑制細胞和神經末梢的活動，減輕疼痛感，而達到止痛的作用。此外，冷敷減少細胞及細菌活動，能抑制炎症反應，減輕發炎、疼痛的症狀。

回到最初既問題🧐——到底應該熱敷定凍敷呢？

一般係急性外傷、損傷時，腫脹、疼痛、發紅發熱較嚴重既時候可用凍敷，於6小時內可視情況重覆凍敷幾次，每次儘量唔好超過10分鐘，6小時後就應該開始熱敷。

其實只要明確凍、熱敷既作用同想達到既目的，就唔難作出選擇。

舉個例子—拗柴🤕。拗柴後當下應該即時凍敷幾乎係common sense，但現實情況係拗柴果陣好多時都無得凍敷或者初時腫痛唔犀利，返到屋企就腫痛犀利咗，但又超過6小時，咁仲應該凍敷嗎？好簡單，如果紅腫熱痛犀利就凍敷，唔犀利就熱敷。因為凍敷係為咗阻止傷勢發展惡化，而熱敷係為咗加快恢復進程。

凍敷止痛效果好d，但會阻礙恢復進程，令你拗柴好得慢d，而相對容易變成舊患 ，形成風濕。即治標為主。

熱敷就有機會係受傷初期令腫脹加重，甚至有時會有「痛多咗」既感覺，但就治本為主。

值得一提既係，最初提出“RICE”運動傷害原則既美國運動醫學博士👨🏽‍🏫Gabe Mirkin近年都修正咗自己所提出既冰敷理論。佢認為冰敷雖然能減輕疼痛，消腫同減輕發炎癥狀。但發炎係人體自我修復既機制之，炎症細胞會促使受傷組織展開修復、癒合既過程，抑制發炎會延長損傷所需既恢復時間，不利於疾病既康復，而且冰敷時間過長亦可能會導致局部組織或神經既損傷。

📌P.S.（關於拗柴同風濕，之後會有專門既篇章講解。）