尺骨🦴、橈骨🦴的由來

係人都知前臂有2條骨🦴，骨佬們都知嗰2條骨分別叫「尺骨」、「橈骨」。

但係點解「尺骨」要叫「尺骨」而唔叫「肘骨」呢？🤔🤔「橈骨」點解又要叫「橈骨」呢？🤔🤔

「尺骨」源自於拉丁文ulna📙，本義係「肘」。現時我地講「尺骨」，係18世紀日本翻譯家借鑒漢字創造既新詞✏️，係「和製漢語」。由於「尺骨」同中國「尺」既長度大致相當，而舊時英國長度單位ell（埃爾，1埃爾=肘後到中指尖的距離），同ulna係同源詞。所以將ulna翻譯為「尺骨」。

「橈骨」源自於拉丁文radius📙，本義係「光線；輻條；半徑」。因為前臂係做旋轉運動時，尺骨係唔郁既，而橈骨近手掌嗰邊會繞住尺骨做圓周運動⭕，所以用radius來命名橈骨。中文之所以叫「橈骨」，係因為橈骨係轉動既時候似搖動既「船槳」⛵，而中文字「橈」就係「船槳」既意思。