做多咗？😵

究竟係姑娘做多咗？定係姑娘太八卦？

有一位病人上嚟登記，姑娘幫佢做基本登記，發現佢第二日生日，二話不說就走去病人度…

姑娘：咦～你聽日生日喎，提前同你講聲生日快樂先。

病人（好開心）講：多謝啊，你唔講，我都唔記得咗自己生日喇～有人同我講生日快樂都幾開心丫～😊😊

另一個位病人上嚟登記，姑娘忍唔住同佢…

姑娘：我見你WhatsApp嗰張相係一隻守宮嚟㗎喎，係你嘅寵物嚟㗎 ？

病人：係呀～佢好得意㗎，佢好乖架～下删千字～

有病人返嚟覆診，第一眼見到病人面色灰白…

姑娘：嘩你做咩今日咁攰啊？面色好灰喎！

病人：係呀，返工好多嘢做，壓力大到爆，好多嘢都做唔晒，ot 左成個星期好攰呀…

姑娘角色雖然只係姑娘，但係其實都好關心病人嘅情況，一個簡單嘅問候對病人嚟講其實都係一個好窩心嘅關懷，但係姑娘都係分唔到究竟係姑娘做多咗？定係姑娘太八卦？😂😂😂