.png)
話說診所喺石門開咗分店，老細俾咗個任務被姑娘，就係要照顧兩間診所嘅日常～
所以，姑娘約逢星期一三會留喺油麻地，星期二，四，五，六會留喺石門。
亦都因為咁，油麻地嘅病人同醫師唔習慣唔見咗嘈喧巴閉嘅姑娘，而石門病人就唔習慣多咗個嘈喧巴閉嘅姑娘🤪🤪
試過喺油麻地準備返石門嘅時候，喺街撞到病人，然後姑娘俾人捉住咗，一連串被發問⋯
病人：你去咗邊樹？點解唔見左咁耐？你依家係咪唔返嚟？定係你已經冇做？（😅😅）
姑娘：我一直喺度啊～你唔記得咗我逢星期幾喺油麻地咩？掛住我可以去石門度探我㗎嘛～我會返嚟㗎～只不過有時返嚟見唔到你咋嘛～有噤掛住我咩😆😆
幫石門嘅病人預約嘅時候，病人會問：姑娘，你星期幾唔喺石門？
姑娘：做咩啊～見唔到我都冇所謂㗎～
病人：有你喺度搞笑啲嘛～有你喺度熱鬧啲嘛～有你喺度吉住針都覺得時間過得快啲嘛～
姑娘嘅身份並唔係淨係姑娘咁簡單，有時同病人互動，可以令病人帶着輕鬆嘅心情嚟睇醫生，其實都係一件好好嘅事～姑娘都幾鍾意咁樣同病人相處，所以姑娘都會努力去平衡兩邊嘅時間～可以見到大家😆😆😆