.png)
大多數人第一次做針灸，都會想知道針灸針幾耐。而一般情況下醫師都會答“半個鐘”左右啦。但係點解呢？🤔邊個定出來既時間呢？🤔
想知點解，咁就要追溯返中醫一本經典著作📔—《黃帝內經．靈樞．五十營》。
入面有一段黃帝同歧伯既對話：
黃帝🤴曰：余願聞五十營奈何？
歧伯👨答曰：天周二十八宿……故人一呼脈再動，氣行三寸，一吸，脈亦再動，氣行三寸，呼吸定息，氣行六寸……一周於身，下水二刻，日行二十五分…….日行二十八宿，漏水皆盡脈終矣。
所謂交通者，並行一數也。故五十營備，得盡天地之壽矣，凡行八百一十丈也。
呢段話講解咗人既呼吸💨、經氣既走動同日夜時辰之間既關係。而健康既人每日經氣會運行50個週次。所以計反分鐘就會係1440分鐘/50=28.8分鐘/1週次。為咗保證落針後經氣運行至少一週⭕，所以一般都係留針半個鐘左右。💯
不過……實際操作都會因為唔同學派，唔同既針法，唔同既醫師對針灸既睇法等等，而出現變化，並非刻板固定架！