.png)
春節就到，周圍都會佈置新年裝飾🧧，我地診所都唔例外。
尋日同姑娘👩🦰一齊佈置裝飾，姑娘唔小心將「福」字調轉左貼。
我：「WS，你個『福』字調轉左喔」
WS：「唔係呀，『福』字係要倒轉貼，福『到』了嘛」
我：「係有咁既講法，不過我係話你個『福』前後調轉左貼啊，雖然張野係透明既，但都分得出既~」
WS：「errrr，係wor！」
我：「同埋福『到』了呢個講法或做法唔係最正確㗎，因為『福』最早係透過祭祀祈求保佑🙏，賜福既意思。而『畐』（粵音卜）」係象形字，上象人首，下象腹，『田』字中間既『十』代表充滿，所以『畐』有『腹滿』既意思，即係食得飽肚🥩，衣食無憂既人有福既意思。所以係唔應該將『福』倒轉㗎。」
P.S. （「福」到了同「福」倒了係完全唔同意思的，用「福」倒了表示「福」到了，只係由民間故事所衍生出來既說法同做法，並非中國傳統文化🧨既正規傳承喔！當然，所謂信念、信仰都係好個人的，而你又打算點貼你個「福」字呢？🧐）