top of page

TFCC?!三角軟骨複合體損傷🔺







我👨‍⚕️:「你呢個情況應該係TFCC喔!」

病人👧🏼:「咩C話!?」


TFCC,Triangular FibroCartilage Complex,三角軟骨複合體。🔺

當我地話病人有TFCC既時候,指既係TFCC損傷。所謂既TFCC,簡單來講就係位於手腕「尺側」(P.S.近拇指嗰邊叫橈側,近尾指嗰邊叫尺側❗),1個軟骨同2條韌帶組成既複合體。當手腕活動既時候,用來穩定手腕關節🤏,同時承受重量、壓力既結構。


所以任何會對佢施加壓力既動作👊都有機會造成TFCC損傷,當中比較多見既係手腕支撐同旋轉動作。例如:🧘瑜伽既plank,push up,擰毛巾,跌倒時手撐地等等。


基於TFCC既作用,當佢出現損傷既時候,主要既症狀就會表現為進行相關動作時誘發腕部疼痛。而疼痛既程度同導致損傷既機制相關,譬如因為做plank而損傷,損傷後做plank會比其他動作更明顯有疼痛。


由於TFCC附近既氣血供應🩸並不豐富,所以TFCC損傷要恢復,需要既時間會長啲。係正當既治療下,效果好既都需要1-2個月。所以唔好諗住「漚好佢」呀,因為「漚好佢」既機會好微,「漚」得耐仲容易加重病情😔,或者演變成「風濕」。😱😱😱


關於TFCC損傷既治療,我地常規治療係針灸+推拿,視乎病人情況決定是否需要中藥內服🌿、外用。大多情況下,數次治療後病人既疼痛會明顯減輕,然後堅持治療,鞏固療效,直至「斷尾」。🤗


37 views0 comments

Recent Posts

See All

Comments


Commenting has been turned off.
bottom of page