攣弓蝦米🦐

「啪！👋啪！👋」

坐係電腦前台工作既姑娘P一臉黑人問號❓❓：「醫師做咩打我呀？」

👨‍⚕️我：「坐直少少，成隻攣弓蝦米咁🦐！」

👧姑娘P：「但我咁坐舒服D喎！」

👨‍⚕️我：「你覺得咁坐舒服D係因為D肌肉休息緊，但你上身既重量都要有人負責支撐㗎，你D肌肉偷懶，骨頭🦴、關節咪要加班囉。」

👧姑娘P：「加班咪加班，我又唔使出糧俾佢地，怕咩喎？」

👨‍⚕️我：「偶爾加班係無所謂呀~但如果經常要佢地加班，佢地就會退化，生骨刺😱😱，去到咁上下就會醒D症狀俾你歎，到時痛呀😔，麻痺呀😔，火燒呀😔，就到你要“出糧”俾我啦！！」

P.S.❗❗ 雖然坐姿好能有效延緩腰背脊椎既退化，但坐姿再完美，坐得耐，腰背肌肉都係會疲勞，會勞損，會罷工。佢地罷工，上身既重量都係要骨關節🦴承受。所以坐到咁上下，就好起身郁下、行下🚶，唔好做蝦米呀🦐 🤗 XDD