長新冠—鼻敏感👃體虛肺炎後遺症🤧之處理






  近日肺炎疫症終於有所緩和,但香港人本身多勞動🕺,又成日中意食生冷野🍧,令身體有肺脾兩虛濕困既情況,例如鼻敏感👃。所以大多數人都仍然有一系列既後遺症,例如:打乞嚏、流鼻水、喉嚨乾等等。呢種情況就係中醫<<傷寒論>>所提及既"風家,表解而不了了者,十二日愈”既狀況。


  當中左外感時候,經過適當治療,表邪基本上已經解除,但由於自身正氣不足仍然有少量邪氣困體或者身體仍然係恢復階段,所以仍然有手尾跟。其實呢D情況再過一段時間就會好,因為人體有自我修復能力,即係所謂既「正氣」💪,「正氣」既恢復取決於人本身既飲食作息充足與否。


可以係呢段時間用相對平和既「服餌法」📒(唔一定要透過食藥,因為藥物會有偏頗性,會令身體出現唔平衡既狀態)可以透過適當既食物去加強返自身既營衛之氣,加強脾胃運化所生成既能力,所以點解成日好多人都問我應該食咩或者煲咩湯水飲。


  今日我就黎介紹一個簡單又可以增強體質既「服餌方」📒,但注意要適合自己既體質先好食,最好搵可靠既醫師睇睇了解下自己咩體質先。


  「服餌方」:黃蓍15g,白朮10g,黨參10g,雞內金5g,淮山15g,加入適量既水,瘦肉碎,蔥花,姜絲,白米煮成粥。


  黃蓍🌿本身可以溫衛氣,補益脾胃,固表補虛;白朮可以健胃消食,化水飲,止虛汗,暖胃袪寒濕;黨參可以補中益氣,調和脾胃,同白朮配合有理中焦既功效;雞內金健脾開胃;淮山補脾養胃,生津益肺;加入白米生姜蔥花可以健胃促消化,增加水谷精氣既吸收,成個組合可以甘溫補益,健脾胃化濕,達至正氣恢復既功效,特別對於長期濕困或者因為今次疫情食太多連花清瘟膠囊而令自己寒濕困體既人。

19 views0 comments

Recent Posts

See All