top of page

邊個話“低頭族”🦩一定有頸椎病?







我地成日都勸人:唔好做“低頭族”🦩呀!會有頸椎病㗎!

但究竟做“低頭族”係咪真係會有頸椎病呢?🤔🤔


👨‍⚕️要回答呢個問題,我地首先對人體力學要有基本既概念。

人體頭部既重量約莫等於體重既十分之一,換句話講,60kg既人,頭重6kg左右🎳,咁正常情況下頸部(包括頸椎、肌肉、韌帶等軟/硬組織)需要支撐既重量就係6kg。


但當我地低頭嗰陣,低既角度越大,頭既重量雖然無變,但頸部肌肉需要比既拉力就會愈來愈大。頸部向前屈曲60°📐,就已經需要差唔多係原本4-6倍既拉力😨😨嚟到維持頭部既穩定。如果長時間維持咁高既力量輸出,頸部既肌肉好快就會疲勞,繼而出現勞損甚至損傷。如果頸部既肌肉“收左皮”,咁頸椎、韌帶、軟骨就要承受額外既壓力😞,就會加速退化,久而久之就形成咗頸椎病。


呢度有一個點非常重要!!就係“長時間”⏰⏰⏰!

“低頭族”會唔會有頸椎病,關鍵就係“時間”⏰!

“長時間既固定姿勢”先係導致肌肉疲勞、勞損既元兇!就算係完美既姿勢、體位,維持不變既時間一長,一樣會出現肌肉疲勞、勞損。相反,雖然低頭既姿勢對頸部造成既負荷頗大,但如果持續時間短,又或者有經常變換姿勢,活動頸部,“低頭”又有乜可怕呢?


⚠️P.S.“時間長短”因人而異,其中一個比較容易區分既方法就係低完頭,抬頭嗰下會唔會有疲勞、酸軟、疼痛等不適,如果有就肯定係時間太長了👨‍⚕️。


56 views0 comments

Recent Posts

See All
bottom of page