月經後至/不至👭病案經驗分享

最近睇左3位女性👭🏼都有月經後至/不至數周甚至數月既問題。一位係護士👩‍⚕️，成日都要日夜顛倒，工作忙壓力大；一位係餐廳廚師👩‍🍳，因為餐廳開新分店，日日都要返無咩放假休息時間；一位係物業管理既副經理👩🏻‍💼，岩岩轉新工無耐，壓力較大。

三位同時有工作繁忙身體勞累加上工作壓力大既問題，係中醫角度上，屬於肝腎不足，腎水不足💧以濡養肝木🌳。月經既準時與否同肝、脾、腎三個贜腑有好密切既關係，所以係佢地3位既情況上用藥會偏重養脾疏肝補腎為主。

初時3位都只係嘗試服用中藥觀察有無經至既跡象，但食左幾次都未見有太大起色，只係白帶量多左，下腹墜脹感覺多左。於是我同佢地提議不如試下配合埋針灸，選穴上除左一般調經既腹部同腳部穴位🦵，我另外再嘗試取右腳既復溜、交信配左腳既太沖，果然3位病人針完後都黎左月經終於。🤗🤗

呢幾個病例上我都用復溜、交信配太沖。復溜、交信屬於腎經穴位，復溜照字面解有重返和流通的意思，而且復溜係腎經經穴，五行屬性上屬金，為腎經母穴，金生水能加強補充腎水。

月經又有＂月信＂✉️別稱，信有規律的意思，所以選取交信以調節月經至正常規律。而只取右腳因為中醫傳統有提及＂左升右降＂既理論，主要都係一身氣血既升降浮沉，但當中理論太複雜累贅，呢度就唔多加以敍述，如果各位女性真係有月經方面問題都可以黎搵我了解下，邊個話男醫師唔可以處理婦科問題架。😊😊