姑娘日常—呢個moment我要爆喇!😵



疫情下,好多人中招,但係西藥只係治標唔治本,食完d成藥個人又虛到爆炸,同埋好多中左既朋友都覺得用中藥去調理情況比用西藥去處理嚟得溫和同舒服好多~


所以好多病人都搵我哋幫手,幫手唔係問題,問題在於診所唔夠人手…點解?平時診所有三個姑娘點會唔夠人手?冇錯因為有姑娘都中咗(放心,診所已經做咗殺菌消毒)最後得老細同菲比姑娘密密做,每日都有無限既藥要執,無限嘅藥要寄,無限嘅病人搵EC,老實講,真係攰到媽媽都唔認得…


點知,當我哋好努力咁樣去為病人準備好啲藥嘅時候,速遞竟然係收得勁貴,同埋有速遞公司員工中咗招,我哋好多病人嘅藥都hold住咗,幾日都收唔到😭😭😭然後老細就忍唔住,谷鬼氣自己組車隊! ! !講真,我聽到嘅時候真係覺得佢好型,點解做醫師可以做到噤盡?


轉個頭我就癲咗!因為得我一個人,另外中左既姑娘唔知幾時返,我真係幫到手咩?然後我就突然間覺得有種爆開嘅感覺😵‍💫😵‍💫😵‍💫好彩,老細都體諒,經常叫我晏啲返,盡量幫我搵part-time,有咩佢都盡頂。。。點解要咁做?係因為好希望唔舒服嘅人可以能夠得到最適切嘅幫助!


我哋唔介意全香港都中晒,但係我哋介意啲嘢塞住晒🤣🤣🤣


10 views0 comments

Recent Posts

See All