top of page

中醫治酗酒🍶引起的皮膚病







最近黃醫師睇左一位酗酒🍶時間好長既病人,每次佢黎睇既時候都見到佢面紅紅🥵、大汗淋漓、口氣大、身上經常出現唔同位置既紅疹,而家左腳仲出埋足癬,每日奇癢難耐。


間中小酌的確可以放鬆心情chill一chill😃,亦可以同朋友增進感情💗,有唔少研究指出適量飲酒可以減低患心臟病風險,減壓,紅酒抗氧化特性仲可以幫助預防感冒。


但如果日日都飲過量酒精,只會百害而無一利,中醫認為酗酒會導致慢性酒精中毒,損傷身體各個臟腑,例如會導致肝硬化、脂肪肝、胃潰瘍、心智受損、記憶力減弱😵等等。


酒本身屬於大熱之品,長期過量攝取會導致濕熱內蘊,釀成痰濁💧,所以呢位患者既表現就係一位典型既酗酒人士😵,面紅、多汗身熱、口氣重、小便黃、皮膚痕癢,所以針對濕熱痰濁既情況,黃醫師處方以芳香化濕清熱,兼護肝脾為主,亦叮囑患者戒日日飲酒,只可以間中飲少少,同埋多做戶外運動🏃‍♂️吸收陽光空氣,足癬方面另外再處方三黃洗劑🧴浸腳外用。果然內外兼治2,3次後足癬已經唔再痕癢,患者亦自覺無飲酒後精神面色有好轉,但都有間中忍唔住偷偷飲少少後足癬又有少少復發跡象,但已經唔難處理。


飲酒其實係一件可以放鬆心情既活動,但切忌過量做成依賴,做成身體損耗就得不償失啦。

5 views0 comments
bottom of page