【恭賀新禧2022】正月點解係“征”月，唔係“正”月？🤔正月=虎月？🤔

🟢正月點解係“征”月，唔係“正”月？

原來正（征）月本身係讀“正”月，因為古時啲朝代唔一定將“一月”定為每年既第一個月😱，例如夏朝以“一月”為第一個月，商朝以“十二月”為第一個月，周朝則以“十一月”為第一個月。

佢地將改正咗既第一個月稱作“正月”，本身就有“正統”，“改正”，“改朝換代”既意思。

後來之所以叫“征”月，係因為秦始皇叫“嬴政”，為咗避諱，所以將“正”月改讀作“征”月，並一路用到而家。🧐

🟢咁正月同虎月又有咩關係呢？

十二生肖同地支係相對應既，即係子鼠🐁、丑牛🐄、寅虎🐅……以此類推。子時係夜晚11-1點，因為呢個時辰係陰氣最甚，陰極生初陽之時，處於剛開始轉變既時間，所以係子時。11月亦如是，因此11月又係子月，“子”又配“鼠”，所以11月同時亦係“🐁鼠月”。所以唔難得出寅月=🐅虎月=1月=正月呢個結論了。🧐