中醫養生防染疫😊

疫境之下，人心惶惶😨。大家都驚中招！隔離有人咳嗽💨，擤鼻涕，恨不得彈開9里遠！

究竟係疫境之下，應該點樣養生，先至可以提高免疫力，做到「正氣內存，邪不可干」呢？

飲食方面🍲

飲食方面，建議多啲食粥。因為中醫自古就提倡以粥水、米水來養脾胃。我地成日話「腎為先天之本，脾為後天之本。」呢句話就已經提示咗，脾胃係提高後天免疫力既關鍵！所以無論有無「中招」，都強烈建議疫境下多啲食粥。

相反，有啲食物係應該少食既❌，就係辛、辣、煎、炸、熱氣既食物。辣、煎、炸同熱氣容易理解，「辛」指既係味道、氣味刺激性強既食物，包括：蔥、姜、蒜、韭、洋蔥、芥末、辣椒、胡椒，亦或濃茶、煙酒、咖啡等等。呢類食物容易傷及我地身體既陰份，陰份不足，就會容易有虛熱既症狀，從而加重「中招」後既症狀。而陰份唔夠，人體陰陽唔協調，則會降低身體免疫力，變得容易「中招」。

生活作息方面🛌🏾

除咗老生常談既做適量運動，飲食定時定量，早睡早起等等外，疫境之下都有其他方面值得注意既！

一、經常曬太陽☀️

經常曬一曬太陽，等身體有足夠既陽氣，臟腑會更有運作既動力，間接增強免疫力。

不過需要注意既係，一般不宜一次過曬超過半小時（具體時長因人而異），曬太耐反而有機會傷身。而「中招」既人適唔適合，則應詢問返自己既醫師啦。

二、避免吹風受涼🥶

係中醫既角度來講，無論係omicron定還是delta，都係「邪氣」。人體既「衛氣」有保衛肌表，抵禦外邪既作用。而吹風受涼，會損害「衛氣」，從而增加「中招」既機會。